Plantun de Prouvènço

Pèr coumpara dos planto d'encò nostre

Lythrum salicaria & Saxifraga bryoides

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Sassifrago(-fausso-moufo)

Saxifraga bryoides

Saxifragaceae

Autre noum : Sassifrajo.

Noms en français : Saxifrage fausse mousse, Saxifrage d'Auvergne.

Descripcioun :
Sassifrago que trachis en auto mountagno e que fai de couissin sus la roco semblant de la moufo. Fai de poulìdi flour di petalo blanco emé de taco jauno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 1700 à 3000 m
Aparado : Noun

Liò : Roucas - Esboudèu
Estànci : Aupen
Couroulougi : Pancaro entresigna
Ref. sc. : Saxifraga bryoides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lythrum salicaria & Saxifraga bryoides

CCC

Coumpara Tè-di-paure emé uno autro planto

Coumpara Sassifrago(-fausso-moufo) emé uno autro planto